እንኳን ወደ ኢንዱስትሪ ሚ/ር በሰላም መጡ

የክቡር አቶ አህመድ አብተው

የኢንዱስትሪ ሚኒስቴር ሚኒስትር መልዕክት

አገራችን ከድህነት ተላቃ መካከለኛ ገቢ ካላቸው አገራት ጎራ ለመቀላቀል ብሎም ወደ ብልጽግና የእድገት ደረጃ ላይ ለመድረስ የምትችለው በዓለም ዓቀፍ ገበያ ተወዳዳሪ ኢንዱስትሪ ስትገነባ ነው፡፡ ይህንኑ ለማረጋገጥ ባለፋት ተከታታይ ዓመታት ለዘርፉ ልዩ ትኩረት በመስጠት በተከናወኑ ተግባራት ከፍተኛ ለውጦች በመመዝገብ ላይ ይገኛል፡፡

በተያያዝነው የህዳሴ ጉዞ ከግብ ለማድረስና የዕድገትና የትራንስፎርሜሽን ግቦቻችንን ለማሳካት በተደራጀ የልማት ሠራዊት ሁሉም የድርሻውን እንዲወጣ የሠራዊቱን ክንፎች በአመለካከት ለማቀራረብ፣ ክህሎቶቻቸውን ለማሻሻል፣ አደረጃጀቶችንና አሠራሮችን ለማጠናከር በተከናወኑ ሥራዎች አመርቂ ውጤቶችን ማየት የተጀመረባቸው ከተግባራዊ እንቅስቃሴም በርካታ ልምዶችን የተቀሰመባቸው ከመሆናቸው በላይ በቀጣይም የላቀ አፈፃፀም ለማስመዝገብ አቅም የፈጠርንባቸው ሆነዋል፡፡ የ2007 በጀት ዓመት የመጀመሪያው የዕድገትና የትራንስፎርሜሽን ዕቅድ ማጠቃለያ እንደመሆኑ መጠን በማኑፋክቸሪንግ ኢንዱስትሪው ልማት ዘርፍ የተያያዝነውን ኢኮኖሚያዊ መዋቅራዊ ሽግግር ለማሳለጥ ከፍተኛ ድርሻ ስላለው ግቡን ለማሳካት ሁለንተናዊ ጥረትና ርብርብ ማድረግ ይጠበቃል፡፡ ለበለጠ

ዜና

የይርጋለም የተቀናጀ የአግሮ ኢንዱስትሪ ፓርክ የመሠረተ ድንጋይ

በኢ .ፌ .ዴ.ሪ ጠቅላይ ሚኒስቴር በክቡር አቶ ኃይለማርያም ደሳለኝ ተቀመጠ

በስነ ስርዓቱ ላይ የተገኙት የኢፊዴሪ ጠቅላይ ሚኒስትር ክቡር አቶ ኃይለማርያም ደሳለኝ የኢንዱስትሪ ፓርኮቹ መገንባት  ከፍተኛ እሴት የተጨመረባቸውን የግብርና ምርቶች በማቀነባበር ለሀገር ውስጥና ለውጭ ሀገር ገበያ ለማቅረብ እገዛ አለው ብለዋል፡፡ ይህም የውጭ ምንዛሬን  በማስገኘት ረገድ ሚናው የላቀ እንደሆነም ነው ጠቅላይ ሚኒስትሩ የተናገሩት፡፡

እንሰት ለጉሉኮስ አገልግሎት እንደሚውል በጥናት መረጋገጡን የጠቆሙት ጠቅላይ ሚኒስትሩ የይርጋለምና  አካባቢው የእንሰት አብቃይ  ቢሆኑም ጥናቱ ሲካሄድ እንሰትን    ማካተት  ነበረበትም ብለዋል፡፡  በቀጣይም እንሰት በጥናቱ ቢካተት  መልካም እንደሆነም ተናግረዋል፡፡ የተቀናጀ የግብርና ኢንዱስትሪ ፓርክ ከፍተኛ የግብርና ምርቶች ግብዓት ይፈልጋል፡፡ ነገር ግን አሁን ባለው ሁኔታ በአካባቢው የሚመረተው የግብርና ምርት ለፓርኮቹ ግብዓትነት በቂ እንዳልሆነና  ይህንን በመረዳት የአካባቢው አርሶ አደሮች የግብርና ምርቶችን ትኩረት ሰጥተው በሁለትና በሶስት እጥፍ እንዲያመርቱ ጠቅላይ ሚኒስትሩ ከአደራ ጋር አጽንኦት ሰጥተው አሳስበዋል፡፡ ለበለጠ

የቡሬ የተቀናጀ አግሮ- ኢንዱስትሪ ፓርክመሰረት- ድንጋይ ተጣለ

በአማራ ክልል ምዕራብ ጎጃም ዞን ቡሬ ወረዳ ለሚገነባው የቡሬ የተቀናጀ አግሮ ኢንዱስትሪ ፓርክ  የመሰረተ ድንጋይ በኢፌዴሪ ጠቅላይ ሚንስትር አቶ ኃይለማርያም ደሳለኝ ጥር 25/2009 ዓ/ም ተቀመጠ፡፡ጠቅላይ ሚንስትሩ የመሰረት ድንጋዩን ሲያስቀምጡ እንደተናገሩት የፌደራል መንግስት ከክልሉ መንግስት ጋር በመተባበር  የአግሮ  ኢንዱስትሪ ፓርኩ በተያዘለት ጊዜ እንዲጠናቀቅ ከፍተኛ ጥረት ይደረጋል፡፡

የመሰረት ድንጋይ በተቀመጠበት ወቅት

የአማራ ክልል ርዕሰ መስተዳደር አቶ ገዱ አንዳርጋቸው በበኩላቸው የቡሬ የተቀናጀ አግሮ ኢንዱስትሪ ፓርክ በ9ወር ጊዜ ውስጥ ተጠናቆ በቀጣዩ ዓመት  ስራ ይጀምራል፡፡ ክልሉም ለግንባታው እውን መሆን   አስፈላጊውን ሁሉ ክትትልና ድጋፍ እንደሚያደርግ ተናገረዋል።የቡሬ ከተማ አስተዳደር ከንቲባ አቶ አግማስ እሸቴ በበኩላቸው የተቀናጀ የአግሮ ኢንዱስትሪ ፓርክ ግንባታው ተጠናቆ ስራ ሲጀምር ለአካባቢው ወጣቶች ሰፊ የስራ እድል ይፈጥራል። ለበለጠ